Moodersjoat
Ich weit neet wae ich bén
En of ich michzelf nog waal kén
Zjwerve zeuke, elke sjtap wiejer van mien heim
En ich doon ’t gans allein
Ich vervlook nostalgie
Mich zeen ze ech noaits mea hie
Ich zégk die auw keu gedaag
Laot ze noe los in de wei
En gaef ’t laeve eine dreij
Moodersjoat, hawt mich leef
Sjloet mien auge es doe mich ens weegs
Besjerm mich, werm mich, blief bie mich
En laot mich weer los, laot mich los
Zégk ich oait wat ich mein
Bèn zelf dat blok aan mien bein
Miene mondj groat taege ederein
Mer ongertösje zoa klein, ’t hertje zoa klein
Es doe mien leefde waors, en mich versere zouws
Och, wae wèt wat ich den zou doon,
Oh erme ich.
En ’t lögk dich toch, den zuut men euveral
Wie ich mit dich handj in handj loupe zal
Blief hiej sjat blief hie
Al wètse weggaon sjtuit dich vrie
Laeve ein laeve, wer weite,
’t is zoa veurbie
wénjel (wanjel) nog get aan mien zie
Gielke
Sjmörges vreug sjteit er op
Hae rek zich ens oet
Doe zous denke haet niks aan ziene kop
Haet alles onger control hie in de boet
Bliej das doe mich oet höbs gekaoze
vrundj veur t leave weer geneete same
Leefde gaeve, knuffele en raoze
zegk mer jao en amen
Gielke, Gielke ich zegk t dich ich knap van ‘m op
Gielke oh Gielke ich zegk t dich, ich knap van ‘m op
Rundje loupe door ‘t hout
Egaal wat veur waer
tikkelke eigewies, een lekker jongk
eine richtige knuffelbaer
Bliej das doe veur mich höbs gekaoze
vrundj veur t leave weer geneete same
Leefde gaeve, knuffele en raoze
zegk mer jao en amen
Gielke, Gielke ich zegk t dich ich knap van ‘m op
Gielke, Gielke ich zegk t dich ich knap van 'm op
Ich zegk t dich ich knap van ‘m op
Hae is zoa knap ich knap van ‘m op
Gender
Gebaore en ‘n jungske
Heels dich van maedjesdenger
Leeps de kamer rondj mit lang pruuke
Dansend, huppelend en zengend
Es ballerina in een tuutuuke
Doe koos neet wachte op vastelaovend
Dasse dich verkleije koos es prinses
Weer waore draan gewend,
Zoa moos ‘t zeen, zoa waor ‘t good
Dien auge sjtraolde in dien element
Prakkesere deise al op jonge laeftied
Euver dien toekoms, wie zal dat gaon
En es ich later groat ben mam
Wat mot ich dan doorsjtaon
Prakkesere deise al op jonge laeftied
Euver dien toekoms, wie zal dat gaon
Mer ich weit zeker es dich groat bes kentj
Dasse dien menke waal zuls sjtaon
Al jaore besse noe neet mea
Ozze zoon mer os dochter
Dat is wie ‘t mot zeen
Weer venje dat ‘t zoa huert
Doe klaordes op,
Mit een gezich dat sjtraolde
Os kentj en zus, een prachtige meid
Effe weg
Klop de sjtaof aaf, wer gaon es effe weg
Tied aan ooszelf, en ‘t versjtendj op nul
De batterie oppe laaijer gedachte op reset
Klop dae sjtaof aaf, weer gaon es effe weg
Lekker mit z’n twea de boel de boel
Geweun ens effe niks doon doe wéts wat ich bedoel
Venj de rös weer trök, los van dat gejaag
Wat is t toch eine prachtige daag
Die jannewarie zomerzon num ich mit nao hoes
Geine wentjerjas mer ein luchtige bloes
De zonnesjtraole die op de golve die drieve
Ich zou nog gaer get wille blieve
Goaj dae ozel euverbaord, pak dien köfferke in
Zonnebrand bie dich en get veur te laeze
Auwershoes
’t Is miene vrieje daag
Boete is ’t vies en gries
Dae sjit wentjer kump der aan
En ich loup door mien auweshoes
Mien allereaste thoes
Is laeg zonger luuj
Mer dao sjtaon nog heal vaol sjpulle en kleijer in de kas
Kestuums van de pap, sjoon en tesje van de mam,
ich zuch ens deep….
‘t Hoes mot laeg, ’t hoes mot laeg
Alles van de taofel aafgevaeg
En alles wat os leef waor, dat sjteit noe in de waeg
Ich sjnoef dae gaör op
En ich denk aan vreuger trök
Dat geveul van geborgenheid, hie veulde weer os thoes
De kelder vol mit inmaaksglaze, op zolder nog auw keukesjteul
aan de kapsjtok nog eine wentjerjas
’t Hoes mot laeg, ’t hoes mot laeg
alles van de taofel aafgevaeg
en alles wat os leef waor, dat sjteit noe in de waeg
Weer riete os mer bie ein en wer doon wat os te doon sjteit,
‘t mot allemaol opgeruimp
’t hoes mot laeg, ’t hoes mot laeg…..’t hoes mot laeg